“Ang kapayapaan ay iniiwan ko sa inyo: ang aking kapayapaan ay ibinibigay ko sa inyo: hindi gaya ng ibinibigay ng sanglibutan, ang ibinibigay ko sa inyo.”
Juan 14:27
Paano magiging payapa?
Paggising pa lang sa umaga,
Sinasalubong na ng iba’t ibang problema
Ano kayang kakainin ng pamilya?
Nagtatalo ang mag-asawa
Mga anak, nagkakanya-kanya.
Paano magiging payapa?
Di na nga napigil pasaheng siyete singkwenta
Pati presyo ng bigas nagpakataas pa
Anong halaga ng sweldong pinagkakasya?
Ang hirap ng panaho’y damang-dama
Hindi na nga bumubuti, lumalala pa.
Paano magiging payapa?
Sa takbo ng mundong magulo’t malala
Ang pag-aaway sa lipuna’y cancer na yata
Ano ba ang sagot sa atin ng Biblia?
Kay Jesus,ang lahat ay magiging payapa
Tanggapin lamang ito mula sa Kanya.
PastorJLo
No comments:
Post a Comment